12:24 (IST) 20 Oct 2023
“…म्हणून आम्ही कंत्राटी भरती रद्द करण्याचा निर्णय घेतला”; देवेंद्र फडणवीसांची मोठी घोषणा
कंत्राटी भरतीचं पाप १०० टक्के काँग्रेस आणि शरद पवारांच्या राष्ट्रवादीचं आहे. मुख्यमंत्री एकनाथ शिंदे, उपमुख्यमंत्री अजित पवार
– देवेंद्र फडणवीस (उपमुख्यमंत्री, गृहमंत्री)
12:19 (IST) 20 Oct 2023
डोंबिवलीत मोठागावमध्ये निसर्ग उद्यानासाठी हरितपट्ट्यावर मातीचा भराव; महसूल विभागाकडून गंभीर दखल
डोंबिवली: डोंबिवली पश्चिमेतील मोठागाव उल्हास खाडी किनार माघार पाणलोट (बॅक वाॅटर) भागात मातीचा भराव टाकून कल्याण डोंबिवली पालिकेकडून निसर्ग उद्यान विकसित करण्याचे काम सुरू आहे.
सविस्तर वाचा…
12:15 (IST) 20 Oct 2023
कंत्राटी भरतीसाठी महाराष्ट्रात पहिला निर्णय १३ मार्च २००३ रोजी झाला – देवेंद्र फडणवीस
कंत्राटी भरतीसाठी महाराष्ट्रात पहिला निर्णय १३ मार्च २००३ रोजी झाला. तेव्हाच्या काँग्रेस आणि शरद पवारांच्या राष्ट्रवादीच्या सरकारमध्ये पहिली कंत्राटी भरती शिक्षण विभागात सुरू झाली. अशोक चव्हाण
– देवेंद्र फडणवीस (उपमुख्यमंत्री, गृहमंत्री)
12:09 (IST) 20 Oct 2023
“यांची थोबाडं उघडी पडली पाहिजे म्हणून मी काही गोष्टी…”; पत्रकार परिषदेत फडणवीस आक्रमक, म्हणाले…
महाराष्ट्रात कंत्राटी भरतीवरून मोठ्या प्रमाणात गदारोळ केला जात आहे. विशेष म्हणजे जे याचे दोषी आहेत, ज्यांनी हे केलंय तेच जास्त आवाज करत आहेत. म्हणून म्हणून कंत्राटी भरतीचे दोषी कोण हे समाजासमोर आलं पाहिजे, यांची थोबाडं उघडी पडली पाहिजे म्हणून काही गोष्टी मी पोहचवण्याचा प्रयत्न करतो आहे.
– देवेंद्र फडणवीस (उपमुख्यमंत्री, गृहमंत्री)
12:05 (IST) 20 Oct 2023
नाशिक जिल्ह्यात ११ लाख स्मार्ट मीटर बसविण्याची मोहीम, ग्राहकांपेक्षा वीज कर्मचाऱ्यांना अधिक लाभ
नाशिक: आगाऊ रक्कम भरून अर्थात प्रिपेड स्वरुपातील स्मार्ट वीज मीटर बसविण्याच्या मोहिमेत जिल्ह्यात सुमारे ११ लाख ग्राहकांसाठी हे मीटर बसविले जाणार आहे. थकबाकी वसुलीसाठी वीज अधिकारी व कर्मचाऱ्यांना प्रत्येक महिन्यात मोठी कसरत करावी लागते. नव्या मीटरमुळे या कामातून त्यांची पूर्णपणे मुक्तता होईल आणि तांत्रिक कामांवर ते अधिक लक्ष देऊ शकतील, अशी भावना महावितरणच्या वर्तुळात उमटत आहे.
वाचा सविस्तर..
12:04 (IST) 20 Oct 2023
देशातून मोसमी वारे माघारी
पुणे : देशभरातून मोसमी वारे माघारी गेले आहेत. यंदा २५ सप्टेंबर रोजी दक्षिण राजस्थानमधून मोसमी वाऱ्यांनी माघारीचा सुरू केलेला प्रवास १८ ऑक्टोबर रोजी पूर्ण झाला आहे. देशातून मोसमी वाऱ्याची संपूर्ण माघार सामान्य वेळेनुसार झाली आहे.
वाचा सविस्तर…
12:01 (IST) 20 Oct 2023
रत्नागिरीत अल्पवयीन मुलीवर अत्याचार करणाऱ्यास डोंबिवलीत अटक
कल्याण: रत्नागिरी जिल्ह्यातील संगमेश्वर तालुक्यातील एका अल्पवयीन मुलीवर याच भागातील दोन जणांनी कट करून लैंगिक अत्याचार केला होता.
सविस्तर वाचा…
11:46 (IST) 20 Oct 2023
बारावे येथेच कल्याण न्यायालयाची नवी इमारत उभारणे सोयीस्कर; सार्वजनिक बांधकाम विभागाचा शासनाला अहवाल
कल्याण: कल्याण पश्चिम रेल्वे स्थानकाजवळील कल्याण जिल्हा व सत्र न्यायालयाची इमारत दाटीवाटीच्या ठिकाणी, वर्दळीच्या भागात आहे. या भागात नव्याने न्यायालय इमारतींची उभारणी करताना आवश्यक सुविधा देताना अनेक अडथळे येतील.
सविस्तर वाचा…
11:45 (IST) 20 Oct 2023
कल्याण-डोंबिवली पालिकेतील दहा अधिकारी चौकशी रडारवर
कल्याण: कल्याण डोंबिवली पालिकेतील विविध विभागातील सुमारे १० अधिकारी महारेरा बेकायदा इमारत प्रकरणातील पोलिसांचे विशेष चौकशी पथक, लाचलुचपत प्रतिबंधक विभाग आणि प्राप्तिकर विभाग यांच्या रडारवर आल्याची माहिती विश्वसनीय सुत्रांनी दिली.
सविस्तर वाचा…
11:40 (IST) 20 Oct 2023
एकनाथ खडसेंना १३७ कोटी रुपये दंडाची नोटीस का पाठवली? उद्योगमंत्री उदय सामंत म्हणाले, ‘खडसे यांनी काही तरी केलेले…’
पिंपरी : देवेंद्र फडणवीस यांच्या नेतृत्वाखाली भाजपचे सरकार असताना एकनाथ खडसे यांना मंत्रिपदावरून जावे लागले होते. खडसे यांनी काही तरी केलेले आहे, असा आरोप ठेवूनच त्यांचे मंत्रिपद काढले होते. त्या वेळी त्यांना नोटीस देण्यात आली होती. आता अवैध उत्खननप्रकरणी त्यांना देण्यात आलेल्या १३७ कोटी रुपयांच्या दंडाच्या नोटिशीत कोणतेही राजकारण नाही, असे स्पष्टीकरण उद्योगमंत्री उदय सामंत यांनी दिले.
वाचा सविस्तर…
11:34 (IST) 20 Oct 2023
प्रकाश आंबेडकर म्हणाले,’एल्गार परिषदेला नक्षलवाद्यांनी निधी पुरविल्याचा आरोप खोटा!’
एल्गार परिषदेला नक्षलवादी, माओवाद्यांनी निधी पुरविल्याचा पोलिसांचा आरोप धादांत खोटा असल्याचा दावा वंचित बहुजन आघाडीचे प्रमुख प्रकाश आंबेडकर यांनी गुरुवारी कोरेगाव भीमा चौकशी आयोगासमोर केला.
वाचा सविस्तर…
11:31 (IST) 20 Oct 2023
भाजपच्या ओबीसी जागर यात्रेला अल्पप्रतिसाद!; प्रारंभ व समारोप सोडला तर गर्दीच नाही
भाजपने माजी आमदार आशीष देशमुख यांच्या नेतृत्वात ओबीसी जागर यात्रा काढली. पण, या यात्रेला कुठेही अपेक्षित प्रतिसाद मिळू शकला नाही. त्यामुळे यात्रेच्या पुढच्या टप्प्यात कुठल्याही कसर राहू नये म्हणून प्रयत्न सुरू झाले आहेत.
सविस्तर वाचा
11:23 (IST) 20 Oct 2023
प्रवाशांसाठी खुशखबर! पुणे-लोणावळा लोकल आता दुपारीही धावणार
पुणे : पुणे-लोणावळा लोकल सेवा दुपारच्या वेळेत तीन तास बंद असते. लोहमार्गांच्या देखभाल आणि दुरुस्तीसाठी ही सेवा बंद ठेवली जाते. त्यामुळे दुपारच्या वेळेत प्रवास करणाऱ्या प्रवाशांची मोठी गैरसोय होते. आता प्रवाशांच्या सोईसाठी दुपारच्या वेळी लोकलची एक फेरी सुरू करण्याचे नियोजन मध्य रेल्वेच्या पुणे विभागाने केले आहे.
वाचा सविस्तर…
11:23 (IST) 20 Oct 2023
अमली पदार्थ, भ्रष्टाचाराविरोधात आता पथनाट्याद्वारे जनजागृती, मानवी साखळीवेळी काँग्रेसचा संकल्प
नाशिक: शहर काँग्रेसने हाती घेतलेल्या नाशिक बचाव, ड्रग हटाव मोहिमेंतर्गत कॉलेज रोड परिसरात अमली पदार्थांच्या तस्करीला मानवी साखळीद्वारे विरोध दर्शविण्यात आला. यावेळी पुढील काळात पथनाट्यांच्या माध्यमातून महाविद्यालय व विविध चौकात अंमली पदार्थ, गुन्हेगारी व भ्रष्टाचाराच्या विरोधात जनजागृती करण्याचे ठरविण्यात आले.
वाचा सविस्तर…
11:21 (IST) 20 Oct 2023
स्मार्टसिटी प्रकल्पातील सीसीटीव्ही कॅमेऱ्याच्या बॅटऱ्या चोरणारी टोळी अखेर अटकेत
पिंपरी : स्मार्टसिटी प्रकल्पातील अत्याधुनिक सीसीटीव्ही कॅमेऱ्याच्या बॅटऱ्या आणि दुचाकी चोरणाऱ्या टोळीस पोलिसांनी अटक केली. त्यांच्याकडून पाच लाख रुपये किंमतीचा मुद्देमाल हस्तगत केला. ही कारवाई पिंपरीत करण्यात आली.
वाचा सविस्तर…
11:21 (IST) 20 Oct 2023
कामकाज सोडून अधिकारी रंगले क्रिकेट सामना पाहण्यात! पिंपरी महापालिकेत अजब प्रकार
पिंपरी : पिंपरी-चिंचवड महापालिकेचे आयुक्त तथा प्रशासक शेखर सिंह, दोन अतिरिक्त आयुक्त, एक उपायुक्त यांच्यासह काही वरिष्ठ अधिकारी गुरुवारी महापालिका वाऱ्यावर सोडून क्रिकेटचा सामना पाहण्यासाठी गहुंजेला गेले होते. आयुक्तच दुपारपासून गायब झाल्याने महापालिकेत शुकशुकाट होता.
वाचा सविस्तर…
11:20 (IST) 20 Oct 2023
रेल्वे प्रवाशांसाठी आकुर्डी स्थानकावर आता लिफ्टची सुविधा
पिंपरी: अमृत भारत स्टेशन योजनेंतर्गत आकुर्डी रेल्वे स्थानकावर प्रवाशांच्या सोईसाठी उद्वाहनाची (लिफ्ट) व्यवस्था करण्यात आली आहे. त्याचे लोकार्पण खासदार श्रीरंग बारणे यांच्या हस्ते झाले. ज्येष्ठ नागरिक, गरोदर महिला, लहान मुलांना उद्वाहनाचा फायदा होणार आहे.
वाचा सविस्तर…
11:13 (IST) 20 Oct 2023
“फडणवीस भांग पित नसतील, पण बहुतेक त्यांना…”; संजय राऊतांचा हल्लाबोल
राज्यातील ड्रग्ज रॅकेटवरून शिवसेनेच्या ठाकरे गटातील खासदार संजय राऊत यांनी राज्याचे उपमुख्यमंत्री व गृहमंत्री देवेंद्र फडणवीसांवर सडकून टीका केली. “देवेंद्र फडणवीस फार भरकटल्यासारखं बोलत आहेत. त्यांची थोडी मती गुंग झाली,” असा आरोप संजय राऊतांनी केला. ते शुक्रवारी (२० ऑक्टोबर) नाशिकमध्ये पत्रकार परिषदेत बोलत होते.
सविस्तर वाचा…
11:07 (IST) 20 Oct 2023
महापुराचा धसका, नागपुरात आता सिमेंट रस्त्याला विरोध
रस्ते, उड्डाण पूल, भुयारी मार्ग बांधकामामुळे ज्या गडकरींचे नाव देशपातळीवर झाले,’ रोडकरी’ अशी त्यांना ओळख मिळाली त्याच गडकरींच्या नागपूर शहरात आता सिमेंट रस्त्याला विरोध होऊ लागला आहे.
सविस्तर वाचा
10:56 (IST) 20 Oct 2023
सुनील कावळेंच्या आत्महत्येला पूर्णपणे सरकार जबाबदार – मनोज जरांगे
सुनील कावळेंच्या आत्महत्येला सरकार जबाबदार आहे. मराठा समाजाच्या पोरांचे मुडदे पडायला लागले आहेत. मराठा समाजाचे पोरं हट्ट करायला लागले. याला पूर्ण जबाबदार सरकार आहे. जगात आमच्यासाठी शिवनेरीपेक्षा मोठं आणि पवित्र क्षेत्र असूच शकत नाही. मी आज शिवनेरी किल्ल्यावरून जाहिरपणे सांगतो की, आमच्या आत्महत्या होत आहेत याला सरकार जबाबदार आहे. त्यांनी हा मराठा आरक्षणाचा विषय गांभीर्याने घ्यावा आम्ही एकही बलिदान वाया जाऊ देणार नाही.
– मनोज जरांगे पाटील (मराठा आरक्षण आंदोलनातील नेते)
10:48 (IST) 20 Oct 2023
“भाजपा म्हणजे भाड्याने जमवलेली पार्टी”; सुषमा अंधारे यांची प्रखर टीका, म्हणाल्या…
भाजपला नेते घडवता आलेले नाहीत. हा पक्ष काँग्रेस, राष्ट्रवादी आणि शिवसेनेतील नेत्यांच्या भरवशावर चालत आहे. भाजपा म्हणजे भाड्याने जमवलेली पार्टी आहे, अशी प्रखर टीका शिवसेनेच्या (ठाकरे गट) उपनेत्या सुषमा अंधारे यांनी केली.
सविस्तर वाचा
10:48 (IST) 20 Oct 2023
आपल्या बांधवाने मराठा समाजाच्या आरक्षणासाठी आत्महत्या केली – मनोज जरांगे पाटील
काल आपल्या बांधवाने मराठा समाजाच्या आरक्षणासाठी आत्महत्या केली. आपल्या परिवारातील सदस्य गेला आहे. त्यामुळे आज आपल्याला हार-फुलं काहीच घ्यायचं नाही. त्याच्या जाण्याचं आपल्याला दुःख असलं पाहिजे. त्याचं स्वप्न होतं की, माझ्या गोरगरीब मराठा समाजाला आरक्षण मिळालं पाहिजे.
– मनोज जरांगे पाटील (मराठा आरक्षण आंदोलनातील नेते)
10:41 (IST) 20 Oct 2023
देवेंद्र फडणवीसांसारखा गृहमंत्री महाराष्ट्राला लाभणं दुर्दैव आहे – संजय राऊत
डीसीपीची कॉलर पकडण्यात आली. काय हे गृहमंत्री महाराष्ट्राला लाभले आहेत. बाळासाहेब देसाईंसारखा गृहमंत्री लाभलेल्या महाराष्ट्राला असा गृहमंत्री लाभणं दुर्दैव आहे. या महाराष्ट्राने अनेक चांगले गृहमंत्री पाहिले आहेत. त्यांनी राजकारणापलिकडे जाऊन राज्याची कायदा सुव्यवस्था सांभाळली. त्यांनी सुडाने कधीही कारवाया केल्या नाहीत.
– संजय राऊत (शिवसेनेच्या ठाकरे गटाचे खासदार)
10:38 (IST) 20 Oct 2023
बनावट जात पडताळणी करून विमुक्त जमातीमध्ये घुसखोरी; आता निघणार ‘ही’ पदयात्रा…
मूळ विमुक्त जमाती तील १४ जातीच्या गरीब विध्यार्थ्यांच्या मेडिकल, इंजिनीरिंग, महाराष्ट्र लोक सेवा आयोगा मार्फत भरल्या जाणाऱ्या जागा तसेच शिक्षक, ग्रामसेवक, पोलीस, पटवारी आदी नोकऱ्यांमध्ये अन्याय होत असून या विरोधात वाशीम जिल्ह्यातील गहुली ते दिल्ली बंजारा लदेणी यात्रा काढण्यात येणार आहे.
सविस्तर वाचा
10:37 (IST) 20 Oct 2023
उत्तर गडचिरोलीवरील ‘हत्ती’संकट अधिक गडद!; शेतीसह मनुष्यहानी रोखण्याचे वनविभागासमोर आव्हान
ओडिशातील जंगल परिसरातील खाणीत मोठ्या प्रमाणात सुरू असलेल्या उत्खननामुळे पारंपरिक अधिवास बाधित होऊन स्थलांतरित झालेला २३ रानटी हत्तींचा कळप २०२१ च्या शेवटी छत्तीसगडमार्गे गडचिरोलीच्या जंगलात दाखल झाला.
सविस्तर वाचा
10:37 (IST) 20 Oct 2023
सरकारी बंगल्यावर पोलीस उपायुक्तावर भाजपा कार्यकर्त्याकडून हल्ला, तुम्ही काय करताय? – संजय राऊत
कसलं नेक्सस उघड होणार आहे? देवेंद्र फडणवीस या राज्याचे गृहमंत्री आहेत. राज्यात एक पिढी बरबाद होताना दिसत आहे आणि फडणवीस राजकारण करत आहेत. फडणवीसांच्या नागपूरमधील सरकारी बंगल्यावर एका पोलीस उपायुक्तावर भाजपा कार्यकर्त्याकडून हल्ला झाला. फडणवीस काय करत आहेत?
– संजय राऊत (शिवसेनेच्या ठाकरे गटाचे खासदार)
10:36 (IST) 20 Oct 2023
राज्यातील ७० हजार आशा काम बंद आंदोलनाच्या पवित्र्यात; काय आहेत करणे…
ग्रामीण भागात अत्यंत तुटपुंज्या मानधनावर आशा स्वयंसेविका, गत प्रवर्तक नित्य नेमाने सेवा बजावित आहेत. मात्र, त्यांच्या मागण्यांकडे वारंवार दुर्लक्ष होत असल्याने वाशीम सह राज्यातील ७० हजार अशा स्वयंसेविका काम बंद आंदोलन करण्याचा तयारीत असून बेमुदत संपावर आहेत.
सविस्तर वाचा
10:35 (IST) 20 Oct 2023
अरबी समुद्रातील चक्रीवादळाचे ‘तेज’ असे नामकरण; कसा असेल दोन्ही चक्रीवादळांचा प्रवास जाणून घ्या…
अरबी समुद्रसोबतच बंगालच्या उपसागरात चक्रीवादळ तयार होत आहे. अरबी समुद्र आणि लगतच्या लक्षद्वीप परिसरात चक्राकार वारे तयार झाले असून २१ ऑक्टोबरला दक्षिण-पूर्व अरबी समुद्र आणि पूर्व-मध्य अरबी समुद्रात चक्रीवादळ तयार होण्याची शक्यता आहे.
सविस्तर वाचा
10:28 (IST) 20 Oct 2023
नशेबाजांमुळे देवेंद्र फडणवीसांची थोडी मती गुंग झाली – संजय राऊत
देवेंद्र फडणवीस म्हणतात मोठं नेक्सस उघड होणार आहे. मात्र, नेक्सस उघड झालं आहे. फडणवीसांकडे फार लक्ष देऊ नका. तेही फार भरकटल्यासारखं बोलत आहेत. ते भांग पित नसतील, पण बहुतेक त्यांना त्याच्या वासाने नशा येत असेल. त्यांच्या आसपासची माणसं नशेच्या बाजारात फिरतात. त्या नशेबाजांमुळे फडणवीसांची थोडी मती गुंग झाली आहे.
– संजय राऊत (शिवसेनेच्या ठाकरे गटाचे खासदार)
10:23 (IST) 20 Oct 2023
“सरकारवर सत्तेच्या नशेचा अंमल ‘कुत्ता गोली’प्रमाणे…”; ठाकरे गटाचा हल्लाबोल
“महाराष्ट्राच्या संपूर्ण सरकारवर सत्तेच्या नशेचा अंमल ‘कुत्ता गोली’प्रमाणे चढला आहे. मिळेल त्या मार्गाने पैसा ओढायचा. मग तो नशेच्या व्यापाराचा का असेना. इथपर्यंत सरकारच्या नीतिमत्तेची घसरण झाली आहे,” असा गंभीर आरोप शिवसेनेच्या ठाकरे गटाने केला आहे. तसेच मिंधे सरकार व त्यांच्या गृहमंत्र्यांची ही लक्तरे आहेत. गुजरात हे ड्रग्ज माफियांचे आंतरराष्ट्रीय आगार बनले आहे. गुजरातचा माल महाराष्ट्रात येत आहे, असाही आरोप केला. शिवसेनेचे मुखपत्र सामनातील अग्रलेखात ही भूमिका मांडण्यात आली आहे.
सविस्तर वाचा…