Maharashtra Breaking News Live Updates : महाराष्ट्राच्या कानाकोपऱ्यातील…. राजकीय, सामाजिक, आर्थिक, गुन्हेगारी क्षेत्र, क्रीडा अन् मनोरंजन क्षेत्रातील महत्वाच्या घडामोडी…. तुमच्या जिल्ह्यातील, तुमच्या गावातील आज घडणाऱ्या घडामोडी, महत्वाच्या बातम्या… वाचा एका क्लिकवर…
LIVE NEWS & UPDATES
-
02 Dec 2023 08:30 AM (IST)
मावळात धुक्याची चादर
पुण्यातील मावळात दुसऱ्या दिवशीही धुक्याची चादर पाहायला मिळतेय. धुक्यातून वाट काढताना वाहन चालकांना मोठी कसरत करावी लागत होती. तालुक्यात गुलाबी थंडीची चाहूल लागली.
-
02 Dec 2023 08:15 AM (IST)
काही स्वायत्त महाविद्यालयांनी विद्यापीठाचे शुल्क थकवल्याची माहिती समोर
सावित्रीबाई फुले पुणे विद्यापीठाशी संलग्न असलेल्या काही स्वायत्त महाविद्यालयांनी विद्यापीठाचे शुल्क थकवल्याची बाब समोर आली आहे. संबंधित स्वायत्त महाविद्यालयांनी शुल्क न भरल्यास आता त्यांच्यावर कारवाई करण्याचा निर्णय विद्यापीठाच्या व्यवस्थापन परिषदेने घेतला आहे. यावरुन विद्यापीठाचा कोट्यवधी रुपयांचे उत्पन्न थकल्याचे स्पष्ट झाले आहे. विद्यापीठ कायद्यातील तरतुदीनुसार स्वायत्त महाविद्यालयांनी विद्यापीठाला परीक्षा शुल्क, संलग्नता शुल्क आणि इतर शुल्क त्वरित देणे अनिवार्य आहे. मात्र या महाविद्यालयांनी विद्यापीठाचे शुल्क थकवल्याचे नुकत्याच झालेल्या व्यवस्थापन परिषदेच्या बैठकीतून पुढे आली.
-
02 Dec 2023 07:58 AM (IST)
Maharashtra News : शरद पवार गटाचे अजित पवार यांच्या बालेकिल्लात शक्तीप्रदर्शन
पिंपरी चिंचवड शहर राष्ट्रवादी काँग्रेस शरद पवार गटाच्या कार्यालयाचे आज प्रदेशाध्यक्ष जयंत पाटील यांच्या उपस्थित कार्यकर्त्यांना पदवाटप समारंभ होणार आहे. अजित पवारांच्या बालेकिल्ला समजला जाणाऱ्या पिंपरी चिंचवड शहरात आज शरद पवार गट शक्ती प्रदर्शन करणार आहे.
-
02 Dec 2023 07:47 AM (IST)
Maharashtra News : संजय राऊत आज मालेगाव कोर्टात
शिवसेना ठाकरे गटाचे खासदार संजय राऊत शनिवारी मालेगाव न्यायालयात हजर राहणार आहे. मंत्री दादा भुसे यांनी त्यांच्यावर बदनामी केल्याचा खटला दाखल केला आहे. त्यासाठी त्यांना उपस्थित राहण्याचे आदेश दिले आहे.
-
02 Dec 2023 07:34 AM (IST)
Maharashtra News : शरद पवार यांची आज पत्रकार परिषद
अजित पवार गटाकडून शुक्रवारी राष्ट्रवादीतील संघर्षाबाबत अनेक गौप्यस्फोट करण्यात आला. त्यानंतर शनिवारी शरद पवार यांनी पत्रकार परिषद बोलवली आहे. शरद पवार यामध्ये काय खुलासा करणार? याकडे लक्ष लागले आहे.
-
02 Dec 2023 07:23 AM (IST)
Maharashtra News : शिक्षकांच्या आंतर जिल्हा बदलीस मान्यता
जिल्हा परिषद प्राथमिक शिक्षकांची आंतर जिल्हा बदलीसाठी आता राज्याच्या ग्रामविकास विभागाने मान्यता दिली आहे. यामुळे शिक्षकांना गावा जवळ बदली घेता येणार आहे. ३० जून २०२३ला बदलीस पात्र असलेल्या शिक्षकांना ऑनलाइन संगणकीय प्रणालीमध्ये अर्ज करण्याची संधी देण्यात आली आहे.
मुंबई | 2 डिसेंबर 2023 : पाच राज्यातील विधानसभा निवडणुकीचा शेवटचा टप्पा पूर्ण झाला. आता उद्या रविवारी मतमोजणी होणार आहे. त्याची तयारी पूर्ण झाली आहे. राष्ट्रपती द्रौपदी मुर्मू आज नागपूर दौऱ्यावर आहेत. राष्ट्रसंत तुकडोजी महाराज नागपूर विद्यापीठाचा आज 111 वा दीक्षांत समारंभस त्या उपस्थित राहणार आहेत. मनोज जरांगे पाटील यांनी पुन्हा 24 डिसेंबरपर्यंत आरक्षण घेणारच असल्याचे म्हटले आहे. अजित पवार गटाच्या राज्यस्तरीय शिबिरानंतर आमदार रोहित पवार यांनी अजित पवार यांना सल्ला दिला आहे. एसी हॉलमध्ये बसण्यापेक्षा जनतेत जाऊन कामे करा, असे रोहित पवार यांनी म्हटले आहे.भारताने ऑस्ट्रेलियाविरोधात टी 20 सामन्यांच्या मालिकेत विजयी आघाडी घेतली आहे. राजकीय, प्रत्येक जिल्ह्यातील बातम्यांसह मनोरंजन आणि क्रीडा क्षेत्रातील घडामोडी तुम्हाला या ब्लॉगमध्ये वाचायला मिळतील. त्यामुळे आमचा हा ब्लॉग दिवसभर फॉलो करा…